SHTORMI - ჩემი საავტორო Stress Testing პროგრამა

SHTORMI თავიდან ბოლომდე ჩემი შექმნილია, იდეიდან ბოლო ხაზის კოდამდე. მისი შექმნის მთავარი მიზეზი იყო მქონოდა საკუთარი, ზუსტად მორგებული პროგრამა, რომელიც მაჩვენებდა რამდენად გამძლეა ვებგვერდი რეალურ დატვირთვასა და კრიტიკულ სიტუაციებში. ეს არის Windows-ის დესქტოპ პროგრამა, აწყობილი Python-ზე, ასინქრონული არქიტექტურით. მუშაობისას იყენებს თანამედროვე მიდგომებს, აგროვებს ანალიტიკას და ტესტის ბოლოს მაძლევს დეტალურ ანგარიშს, რათა ზუსტად გამოჩნდეს სად აქვს სისტემას სუსტი წერტილები და როგორ უნდა გამყარდეს. პროგრამა გათვლილია ძალიან მაღალი დატვირთვის სიმულაციაზე, ამიტომ მის გამოყენებას სჭირდება ძლიერი კომპიუტერი და საკმარისი რესურსი. ჩემთვის ეს მხოლოდ ძალის დემონსტრაცია არ არის - მისი მიზანია წინასწარ დავინახოთ რისკები და თავიდან ავიცილოთ გათიშვები მაშინ, როცა საიტზე ბევრი მომხმარებელი შედის. მნიშვნელოვანია: როგორც ამ პროგრამის ავტორი, მკაცრად ვიცავ ეთიკის ნორმებს. SHTORMI-ს ვიყენებ მხოლოდ იმ შემთხვევაში, თუ მაქვს მფლობელის ოფიციალური ნებართვა და მხოლოდ ლეგალური ტესტირების ფარგლებში.